3. Měrćin Nowak-Njechorński: Mišter Krabat

W prěnimaj kapitlomaj sy so z Krabatowej powěsću a jeje realnym pozadkom zaběrał/-a. Nětko ma twórba „Mišter Krabat“ wot Měrćina Nowaka-Njechorńskeho w srjedźišću stać: Wona je jedna z najznaćišich knihow, kiž rozprawja wo kuzłarju Krabaće a bazuje na ludowej powěsći.

3.1 Wo wobsahu knihi

Nadawk

Wospjetuj wobsah knihi z pomocu memoryja. Namakaj ke kóždemu wobrazej so hodźacy podawk.

3.2 Krabatowy charakter

Kuzłar Krabat ma nadpřirodne kajkosće: Wón móže so do zwěrjatow přeměnić, cyłu skupinu wojakow skuzłać a samo wjedro wobwliwować. Runočasnje je wón pak tež cyle normalny čłowjek.

Charakterizuj kuzłarja Krabata. Naklikń so hodźace kajkosće.

Nadawk

Přirjaduj pokazanym charakternym kajkosćam so hodźacu scenu z knihi.

H5P „Drag&Drop“ --> SuS ordnen der vorgegebenen Eigenschaften je eine Szene (als Audio dargeboten) zu --> es gibt 2 Eigenschaften (=5 Stück) mehr als es Szenen (=3 Stück) gibt

3.3 Rjek, kiž wšěch wuchowa?

Njezadźiwa, zo hraje kniha Měrćina Nowaka-Njechorńskeho runje w tutym času: ludźo žedźachu so za rjekom, kiž wšěch wumóži a bědu skónči.

Nadawk

Na kóncu knihi, na stronje 46, leži stary Krabat chory a kipry we łožu a rozmysluje wo swojim žiwjenju.

Nadawk

Krabat je měnjenja, zo je přemało docpěł a zo by ze swojej njesměrnej wědu hišće wo wjele wjace wuskutkować móhł. Što mysliš wo tym? Wopodstatni swoje měnjenje.

Wotmołwa A: Haj, sym měnjenja, zo je přemało wuskutkował.
Wopodstatnjenje: Na přikład by wón ...

Wotmołwa B: Ně, njejsym měnjenja, zo je přemało docpěł.
Wopodstatnjenje: Wón je mjenujcy ...

Rozrisanje

Přirunuj tu swoju wotmołwu

Njezabudź: Twoja wotmołwa njetrjeba so cyle z tu předpodatym rozrisanjom kryć. To je jenož jedna móžnosć.

Wotmołwa A: Haj, sym měnjenja, zo je přemało wuskutkował.
Wopodstatnjenje: Na přikład by wón móhł wjele wjace čłowjekam pomhać a nic jenož wobydlerjam Wulkich Ždźarow. Za čas Krabata bě nuza wšudźe na kraju wulka a wón bě mócny kuzłar, kiž wšitko wědźeše a wšitko móžeše. Tohodla by wón tež rolu druhich ludźi płódnić abo wjedro polěpšić móhł. Potom by so hišće wjace ludźom lěpje zešło.

Wotmołwa B: Ně, njejsym měnjenja, zo je přemało docpěł.
Wopodstatnjenje: Wón je mjenujcy mnoho ludźom kołowokoło Wulkich Ždźarow pomhał. Wón je jich rolu płódnił a wjedro polěpšił. A na kóncu je jim samo pola swojeho wudwora darił. Na tute wašnje bě wón z přikładom za wšěch, kiž po nim přińdu a kiž chcedźa tež něšto změnić a ludźom pomhać.

Přiwšěm njeje Krabat w tutej situaciji zadwělował. Wón bě sej wěsty, zo přińdu „mócniši dobri ludźo, kiž swět přestworja tajki, zo budźe jara, jara rjany“ (strona 46). A to da jemu nadźiju.

Nadawk

Předstaji sej, zo sy ty jedyn abo jedna z tutych „mócnych ludźi“, wo kotrychž Krabat rěči: Ty maš móžnosć, swět přeměnić. Naćisń swójske magiske znamjo. Móžeš je molować a potom foto uploadować, abo ty wužiješ tu předpodatu rysowansku płoninu.