2. Fantazija a woprawdźitosć

W kapitlu 1 sy mjezdruhim wuknył/-a, zo maja ludowe powěsće přeco historiski pozadk: kelko wěrnosće tči drje w Krabatowej powěsći a što je jenož fantazija? Tu zhoniš wjace wo tym!

2.1 Jan Šadowic - Krabatowy historiski přikład

Nadawk

Testuj swoju wědu z pomocu kwiza!

Wězo njemóžeše Jan Šadowic kuzłać.

Nadawk

2.2 Městnosće z Krabatoweje powěsće

Krabat zlětowaše rady nad swojej domiznu, Hornjej Łužicu: pak jako rapak pak w swojej korejče. Ale z powětra wšitko tak hinak wupada!

Nadawk

Pomhaj Krabatej łužiske wsy a města namakać, kiž so w powěsći mjenuja. Klikń na městna, zo by widźał/-a, hač prawje ležiš.

2.3 Čorny młynk a swój młyn

Potajkim ma Krabat historiski přikład. Ale što je z čornym młynkom? Dawaše jeho tež?

Čertowy młyn w Čornym Chołmcu poprawom njeeksistowaše. Na městnje natwari so město toho Krabatowy młyn.

„Młynkojo mějachu w prjedawšich časach woprawdźe hubjene mjeno. Woni dźěłachu mjenujcy tež na swjatkach a swoje młyny ženje njemjelčachu: stajnje ridrowachu, frunčachu a rokotachu. Tohodla so powědaše, zo móža młynkojo kuzłać abo zo samo z čertom hromadźe dźěłaja. Tak bu z jednoreho młynka spěšnje “čorny„ młynk.“

Cc4

Nadawk

Monstro eksperimentuje w swojej kuzłarskej komorce: wón chce přepruwować, hdźe móžemy w powěsći wo Krabaće powěsćowe přiznamjenja namakać. Pomhaj jemu!
Přirjaduj sćěhowace dypki prawemu přiznamju powěsćow.

Ekskurs: Młyny Hornjeje Łužicy

Dawaše něhdy 28 młynow w Budyšinje?! Wjace zajimawych faktow namakaš tu!

Připódla prajene: kóžde lěto na swjatkownišej póndźeli wotměje so němski dźeń młynow. Na tutym dnju móžeš wjele młynow wopytać, w kotrychž so tež wjedźenja přewjedu. Snano zhoniš zajimawe stawizny wo młynje w twojej bliskosći?

Ekskurs: Nadawk za wotkrywarjow

Młyny w twojej bliskosći

Nadawk

Zawěsće wěš, hdźe steji w twojej blišej wokolinje młyn. Je wšojedne, hač je jenož hišće rozwalina abo hač so woprawdźe hišće wužiwa.
Wopytaj a fotografuj ju! Uploaduj potom tu twój wobraz.

Krabatowy kolesowarski pućik

Městnosće jednanja Krabatoweje powěsće su dźensa zwjazane přez kolesowarski pućik. Snano sy hižo na nim kolesował/-a? Kajke městnosće znaješ? Pohladaj, hač namakaš tež swoje ródne městno!

Runje tak putaca kaž Krabatowa powěsć je na njej bazowaca dźěćaca kniha „Mišter Krabat“ wot Měrćina Nowaka-Njechorńskeho. Čitaj ju a wobdźěłaj potom 3. kapitl tutoho modula.